Futbol bo‘yicha Angliya Premyer Ligasining 32-turida “Liverpul” 19-aprel, dushanba kuni “Lids” maydoniga safar qildi.
Uchrashuvda 1:1 hisobidagi durang qayd etildi. Mersisayd klubi birinchi bo‘limning 31-daqiqasida Sadio Mane tomonidan urilgan gol evaziga hisobda oldinga chiqib olgandi. Ammo o‘yin yakunlanishiga 3 daqiqa qolganida Diyego Lyorente muvozanatni tiklashga erishdi. Shu tariqa Yurgen Klopp shogirdlari safarda kechgan bahsda muhim bo‘lgan ochkolarni qo‘ldan boy berdi.
Ushbu durangdan keyin “Liverpul” 53 ochko bilan musobaqa jadvalida 6-o‘rinda bormoqda. “Lids” esa 46 ochko bilan 10-pog‘onani band etgan.
APL
32-tur bahsi
“Lids” – “Liverpul” 1:1
Gollar: 0:1 – 31 Mane, 1:1 – 87 Lyorente.“Lids”: Melye, Lyorente, Streyk, Eyling, Dallas, Fillips, Harrison, Alioski (Klix, 79), Elder Koshta (Poveda, 67), Bemford, Roberts (Ernandes, 86).
“Liverpul”: Alisson, Aleksander-Arnold, Robertson, Kabak, Fabinyo, Tiago Alkantara, Veynaldum, Mane (Saloh, 71), Milner, Diogu Jota (Oksleyd-Chemberlen, 81), Firmino.
Ogohlantirishlar: Dallas (25), Alioski (37), Firmino (39).
Izoh (0)