Italiya A Seriyasining bir nechta klublari Yevropa Superligasi ta’sischilari qatorida qayd etilgan “Yuventus”, “Milan” va “Inter”ni ligadan chetlatishni so‘rab murojaat qildi.
18-aprel kuni A Seriya klublari vakillari ishtirokida majlis bo‘lib o‘tgan. Unda “Atalanta”, “Verona” va “Kalyari” klublari ushbu taklifni ilgari surgan, deya xabar qilmoqda Goal.
Yangi musobaqaga a’zo A Seriya klublari Superliga boshlanmagunga qadar Italiya chempionatini tark etmoqchi emas.
Qayd etish joiz, “Yuventus”, “Milan” va “Inter” klublari kami 72 ta skudettoga ega chiqqan.
18-aprel kuni Yevropaning 12 ta klubi yangi musobaqaga asos solgani ma’lum qilindi. Ta’sischilar orasida “Yuventus”, “Milan” hamda “Inter” klublari ham bor.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)