Iqtisodiy tadqiqotlar va islohotlar markazi O‘zbekistonda ko‘chmas mulk va avtomobil savdosi bo‘yicha statistika ma’lumotlarini e’lon qildi.
Keltirilgan ma’lumotlarga ko‘ra, mart oyida O‘zbekistonda ko‘chmas mulk bo‘yicha rasmiylashtirilgan shartnomalar soni fevral oyi bilan taqqoslaganda o‘zgarishsiz qoldi va 20,2 ming donani tashkil qildi. Bu 2020-yilning mart oyiga nisbatan 34,4 foizga ko‘proq hisoblanadi.
Mart oyida mamlakat avtomobil bozorida aholi talabi fevral oyiga nisbatan 7,7 foizga oshib, qatorasiga ikkinchi oy barqaror o‘sish sur’atlarini ko‘rsatdi. 2020-yil mart oyi bilan taqqoslaganda avtomobillar savdosi o‘sishi 47,4 foizni tashkil qildi.
Ta’kidlanishicha, 2020-yil mart oyida respublika bo‘yicha joriy etilgan karantin cheklovlari natijasida savdolar fevral oyiga nisbatan 34,6 foizga kamaygan edi.
Hisobot davrida Qoraqalpog‘iston (31,5 foiz), Xorazm (30,5 foiz), Jizzax (23,5 foiz) viloyatlarida ro‘yxatga va qayta ro‘yxatga olingan avtomobillar soni yuqori sur’atlarda o‘sdi.
Shuningdek, Buxoro (7,9 foiz), Qashqadaryo (7 foiz) va Andijon (4,3 foiz) viloyatlarida sezilarli darajada kamayish kuzatildi.
Bundan avval O‘zbekistonda inflyatsiya darajasi ketma-ket uch oydan buyon 1 foizdan oshmayapgani, O‘zbekistondagi qaysi hudud aholisida avtotransport vositalari ko‘pligi ma’lum bo‘lgani hamda O‘zbekistonga yanvar–fevral oylarida qancha elektromobil olib kelingani haqida xabar berilgandi.
Izoh (0)