O‘zbekistondagi qaysi hudud aholisida avtotransport vositalari ko‘pligi ma’lum bo‘ldi

Davlat statistika qo‘mitasi ma’lumotlariga ko‘ra, 2021-yilning 1-yanvar holatiga ko‘ra, respublikada jismoniy shaxslarga tegishli jami avtotransport vositalari soni 2 955 295 tani tashkil etmoqda, shundan 2 767 126 tasi yengil avtomobillardir.

Jismoniy shaxslarga tegishli bo‘lgan avtotransport vositalarining eng ko‘pi Toshkent shahriga to‘g‘ri kelmoqda — 479 544 ta.

Respublika bo‘yicha jismoniy shaxslarga tegishli qolgan avtotransport vositalari soni hududlar kesimida quyidagicha:

• Samarqand viloyati — 344 470 ta;
• Farg‘ona viloyati — 302 771 ta;
• Toshkent viloyati — 273 943 ta;
• Qashqadaryo viloyati — 241 171 ta;
• Andijon viloyati — 208 814 ta;
• Namangan viloyati — 201 443 ta;
• Xorazm viloyati — 199 858 ta;
• Buxoro viloyati — 195 093 ta;
• Surxondaryo viloyati — 160 417 ta;
• Qoraqalpog‘iston — 121 950 ta;
• Navoiy viloyati — 80 343 ta;
• Jizzax viloyati — 79 820 ta;
• Sirdaryo viloyati — 65 658 ta.

Avvalroq Davlat statistika qo‘mitasi O‘zbekistonda qaysi rusumdagi avtomobillar soni eng ko‘pligini, mamlakatda har 100 kishiga qancha yengil avtomobil to‘g‘ri kelishini ma’lum qilgandi.