PSJ Yevropa Chempionlar Ligasi chorak final javob bahsi doirasida 13-aprel kuni “Bavariya”ni qabul qildi. Parijliklar ushbu o‘yinda mag‘lubiyatga uchradi, biroq ikki bahs natijasiga ko‘ra (3:2, 0:1) keyingi bosqichga chiqdi.
Bu jamoalar Chempionlar Ligasi 2019/20-yilgi mavsumi finalida o‘zaro to‘qnash kelgan va unda myunxenliklar g‘alaba qozongandi (1:0).
UEFA matbuot xizmatining ma’lum qilishicha, YChL tarixida ilk bor amaldagi chempion o‘tgan mavsum finalida mag‘lub etgan jamoasiga pley-offda yutqazib qo‘ydi. Bunaqasi musobaqa tarixida hali kuzatilmagandi.
PSJ yarim finalda “Manchester Siti” — “Borussiya D” juftligi g‘olibi bilan kuch sinashadi. Birinchi o‘yinda “shaharliklar” 2:1 hisobida g‘alaba qozongandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)