Futbol bo‘yicha Yevropa Chempionlar Ligasining 1/4 final javob bahsidan o‘rin olgan ikki o‘yin 13-aprel, seshanba kuni bo‘lib o‘tdi.
Musobaqaning amaldagi g‘olibi “Bavariya” Parijda PSJ mehmoni bo‘ldi. Uchrashuvda hisob Erik Shupo-Moting tomonidan 40-daqiqada ochildi. Ushbu hisob o‘yin yakuniga qadar saqlanib qoldi.
PSJ mag‘lubiyatga qaramay safardagi gollar evaziga ko‘ra yarim final yo‘llanmasiga ega chiqdi. 1/2 finalda Maurisio Pochettino shogirdlariga “Manchester Siti” — “Borussiya D” o‘yinida g‘alaba qozongan jamoa raqiblik qiladi.
“Chelsi” o‘z maydonida “Portu”ni qabul qildi. Uchrashuv 0:1 hisobida mehmonlarning g‘alabasi bilan yakunlandi. Ammo ingliz klubi o‘tgan o‘yindagi g‘alaba evaziga keyingi bosqich yo‘llanmasini hal etdi. “Ko‘klar” yarim finalda “Real” — “Liverpul” juftligi g‘olibi bilan to‘qnash keladi.
Chempionlar Ligasi
1/4 final, javob bahslari
PSJ Fransiya — “Bavariya” Germaniya 0:1
Gol: 0:1 — 40 Shupo-MotingPSJ: Navas, Dagba, Diallo (Bakker, 58), Kimpembe, Paredes, Danilu Pereyra, Guye, Draksler (Kin, 73), di Mariya (Errera, 88), Mbappe, Neymar.
“Bavariya”: Noyer, Boateng, Lyuka Ernandes, Pavar, Alaba, Myuller, Kimmix, Koman, Sane, Shupo-Moting (Xavi Martines, 85), Devis (Musiala, 71).
Ogohlantirishlar: Alaba (52), Dagba (55), Myuller (68), Errera (90).
Birinchi o‘yin — 3:2
“Chelsi” Angliya – “Portu” Portugaliya 0:1
Gol: 0:1 – 90+4 Taremi.“Chelsi”: Mendi, Chiluell, Ryudiger, Tiago Silva, Jeyms, Pulishich, Jorjinyo, Haverts (Jiru, 90), Kante, Maunt (Ziyosh, 86), Aspilikueta.
“Portu”: Marchesin, Pepe, Mbemba, Sanusi, Manafa (Nanu, 75), Otavio, Serjiu Oliveyra (Fabiu Viyeyra, 84), Marega (Evanilson, 75), Uribe, Korona (Dias, 75), Gruyich (Taremi, 63).
Ogohlantirishlar: Serjiu Oliveyra (46), Korona (74), Pepe (82), Dias (88), Taremi (90).
Birinchi o‘yin — 2:0.
Izoh (0)