“Chelsi” Yevropa Chempionlar Ligasi chorak final javob bahsi doirasida 13-aprel kuni bo‘lib o‘tgan uchrashuvda “Portu”ga yutqazib qo‘ydi (0:1), biroq ikki o‘yin natijasiga ko‘ra (birinchi bahs — 2:0) keyingi bosqichga yo‘l oldi.
Londonliklar klubi 2014-yildan keyin birinchi marta musobaqa yarim finaliga chiqdi. “Chelsi” Chempionlar Ligasi davrida (1992/93-yilgi mavsumdan keyin) 8 marta turnir yarim finaliga yo‘l oldi. Bu Angliya klublari orasida rekord natija hisoblanadi.
Bu vaqt ichida “Manchester Yunayted” ushbu bosqichda 7 marta o‘ynagan, “Liverpul” — 5, “Arsenal” — 2, “Manchester Siti”, “Tottenhem” va “Lids” bir martadan yarim finalga yetib kelgan.
Tomas Tuxel shogirdlari yarim finalda “Real” — “Liverpul” juftligi g‘olibi bilan kuch sinashadi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)