“Barselona”ning Janubiy Amerikadagi sobiq skauti Andre Kyuri katalonlar sobiq yarim himoyachi Arturning “Yuventus” yarim himoyachisi Miralem Pyanichga almashtirilishi haqida gapirdi.
“Bu almashinuv — men futbol tarixida ko‘rgan eng bema’ni ish. Haqiqiy bema’nilik.
Siz yiliga 2 million yevro maosh oladigan 23 yoshli Arturni berasiz va klub xarajatlarini ko‘paytirgan holda 6 million yevro maosh oladigan 31 yoshli o‘yinchini olasiz”, — deydi Kyuri.
Eslatib o‘tamiz, 2020-yilning yozida “Barselona” Pyanichni 60 million yevroga “Yuventus”dan sotib olgandi. Qarama-qarshi yo‘nalishda Artur 72 million yevro evaziga Turinga yo‘l olgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)