Ijtimoiy tarmoqlarda ikki nafar navoiylik fuqaro tomonidan behayo qiliqlar va so‘zlar orqali xotin-qizlar sha’nini bulg‘ashga harakat qilingan videolavha tarqaldi.
Navoiy viloyati IIBning ushbu holat yuzasidan bergan rasmiy ma’lumotga ko‘ra, olib borilgan surishtiruv harakatlari davomida videodagi yigitlarning shaxsiga aniqlik kiritilib, Navoiy shahrida istiqomat qiluvchi S.T. hamda B.B. ekanligi aniqlangan va ular qo‘lga olingan.
Ular videorolik 8-aprel kuni tungi soat 22:00 larda tasvirga olinganini ma’lum qilgan va qilgan ishidan chin dildan pushaymonligini bildirib, navoiylik barcha xotin qizlardan uzr so‘ragan.
Hozirda holat yuzasidan yig‘ilgan materiallar qonuniy chora ko‘rish maqsadida Jinoyat ishlari bo‘yicha Navoiy shahar sudiga yuborilgan.
Izoh (0)