Ижтимоий тармоқларда икки нафар навоийлик фуқаро томонидан беҳаё қилиқлар ва сўзлар орқали хотин-қизлар шаънини булғашга ҳаракат қилинган видеолавҳа тарқалди.
Навоий вилояти ИИБнинг ушбу ҳолат юзасидан берган расмий маълумотга кўра, олиб борилган суриштирув ҳаракатлари давомида видеодаги йигитларнинг шахсига аниқлик киритилиб, Навоий шаҳрида истиқомат қилувчи С.Т. ҳамда Б.Б. эканлиги аниқланган ва улар қўлга олинган.
Улар видеоролик 8 апрель куни тунги соат 22:00 ларда тасвирга олинганини маълум қилган ва қилган ишидан чин дилдан пушаймонлигини билдириб, навоийлик барча хотин қизлардан узр сўраган.
Ҳозирда ҳолат юзасидан йиғилган материаллар қонуний чора кўриш мақсадида Жиноят ишлари бўйича Навоий шаҳар судига юборилган.
Изоҳ (0)