Ximki shahrini reyv poytaxtiga aylantirish uchun shikastlangan bitta kabel kifoya qildi. “Tomosha” birdaniga uchta ko‘chada davom etgan (video)

Moskva viloyatidagi shaharlarning birida elektr energiyasi bilan sodir bo‘lgan nosozlik ko‘plab uylarni chiroqlar shousi ishtirokchisiga aylantirib qo‘ydi, deb yozadi Meduza.

6-aprel kuni kechqurun Ximki shahrida elektr energiyasi ta’minoti o‘chirildi. Ko‘p o‘tmay elektr ta’minoti yana yoqilgan va yana o‘chirilgan — bu kabi holat uzoq vaqt davom etgan. Shahar aholisi birdaniga uchta ko‘chadagi qo‘shni uylarda sodir bo‘lgan keng ko‘lamli chiroqlar shousini tomosha qilishga tushgan.

Guvohlar ushbu “tomosha”ni videoga olib TikTok’ka joylashtirgan (albatta, bunga mos musiqa ostida). Elektr energiyasiyasi ta’minotidagi uzilishlar kabeldagi nosozlik sabab yuzaga kelgan va bu bir soatga yaqin davom etgani aytilmoqda. “Qiziq bo‘ldi, ammo barcha maishiy texnikalar ham elektr energiyasining o‘chib-yonishiga bardosh bera olmadi”, — deyiladi xabarda.

https://twitter.com/govoritmsk/status/1379696899607891972