Москва вилоятидаги шаҳарларнинг бирида электр энергияси билан содир бўлган носозлик кўплаб уйларни чироқлар шоуси иштирокчисига айлантириб қўйди, деб ёзади Meduza.
6 апрель куни кечқурун Химки шаҳрида электр энергияси таъминоти ўчирилди. Кўп ўтмай электр таъминоти яна ёқилган ва яна ўчирилган — бу каби ҳолат узоқ вақт давом этган. Шаҳар аҳолиси бирданига учта кўчадаги қўшни уйларда содир бўлган кенг кўламли чироқлар шоусини томоша қилишга тушган.
Гувоҳлар ушбу «томоша»ни видеога олиб TikTok’ка жойлаштирган (албатта, бунга мос мусиқа остида). Электр энергиясияси таъминотидаги узилишлар кабелдаги носозлик сабаб юзага келган ва бу бир соатга яқин давом этгани айтилмоқда. «Қизиқ бўлди, аммо барча маиший техникалар ҳам электр энергиясининг ўчиб-ёнишига бардош бера олмади», — дейилади хабарда.
https://twitter.com/govoritmsk/status/1379696899607891972
Изоҳ (0)