4-aprel kuni “Ipak yo‘li” banki Buxoro filialining tantanali ochilish marosimi bo‘lib o‘tdi. U jismoniy shaxslar, shuningdek, korporativ mijozlar uchun barcha turdagi bank xizmatlarini taklif etadi.
Filial binosi tarixiy ahamiyatga ega bo‘lib, 1885-yilda arxitektor, muhandis Y.P. Dubrovin tomonidan qurilgan va 1886-yilning 1-yanvaridan Rossiya siyosiy imperatorlik agentligi sifatida ish boshlagan.
U yerda 1941—1944-yillarda Podol artilleriya o‘quv yurti joylashgan va uning kursantlari 1941-yil oktabrida nemis fashist bosqinchilari bilan jangda qatnashib, Moskvaga olib boruvchi Janubi-g‘arbiy yo‘laklar chegaralarini himoya qilishgan.
Buxoroda filial ochilishi haqidagi yangilikni shahar aholisi xursandchilik bilan kutib oldi. Bu qadam kelgusida bank xizmatlari foydalanuvchilari sonining oshishiga xizmat qiladi, shuningdek, ular uchun bank operatsiyalarini amalga oshirishda zarur sharoitlarni yaratib beradi.
“Ipak yo‘li” banki bugun yuridik hamda jismoniy shaxslar uchun bank xizmatlarini ko‘rsatishning barcha asosiy bozorlarida mustahkam o‘rinlarni egallash bilan birga doimiy ravishda resurs bazasini boyitib, mijozlar sonini oshirib bormoqda. Bank o‘zini mijozlar uchun universal bank sifatida namoyon etmoqda. 30 yildan oshiq faoliyat davomida bank o‘zini ishonchli va barqaror hamkor sifatida ko‘rsatishga erishdi.
Osiyo taraqqiyot banki 2013-yildan buyon bank aksioneridir. Mazkur bitim OTB’ning Markaziy Osiyo mintaqasidagi ilk kapital investitsiyasi edi. 2020-yil o‘rtalarida Germaniya taraqqiyot moliya instituti DEG — Deutsche Investitions und Entwicklungsgesellschaft mbH va Triodos Investment Management (o‘zining Triodos Microfinance Fund jamg‘armasi orqali) “Ipak yo‘li” AITBga 25 million AQSh dollari miqdorida aksionerlik kapitalini kiritdi.
Investorlar yangi chiqarilgan aksiyalarni sotib olish yo‘li bilan bank aksionerlik kapitalining teng minoritar ulushiga ega bo‘ldi va bu ularning O‘zbekistondagi ilk bank aksionerlik kapitalini tashkil etdi. “Ipak yo‘li” bankining mintaqaviy tarmog‘i Toshkent shahri va O‘zbekiston Respublikasi mintaqalaridagi 16 ta filialni o‘z ichiga oladi. Hozirgi paytda mintaqalarda 9 ta, shuningdek, Toshkent shahrida 8 ta filial faoliyat olib bormoqda. Ular qoshida 30 ta mini bank, jami — 22 ta maxsus kassa, jamg‘arma va chakana kassalar, 10 ta bank xizmatlari markazi, 10 mingdan ortiq terminal ishlab turibdi. Qolaversa, butun O‘zbekiston bo‘ylab 200 tadan ortiq bankomatlar o‘rnatilgan.
Reklama huquqi asosida.
Izoh (0)