«Ипак йўли» банки Бухоро шаҳрида ўз эшикларини очди

4 апрель куни «Ипак йўли» банки Бухоро филиалининг тантанали очилиш маросими бўлиб ўтди. У жисмоний шахслар, шунингдек, корпоратив мижозлар учун барча турдаги банк хизматларини таклиф этади.

Филиал биноси тарихий аҳамиятга эга бўлиб, 1885 йилда архитектор, муҳандис Е.П. Дубровин томонидан қурилган ва 1886 йилнинг 1 январидан Россия сиёсий императорлик агентлиги сифатида иш бошлаган.

У ерда 1941—1944 йилларда Подол артиллерия ўқув юрти жойлашган ва унинг курсантлари 1941 йил октябрида немис фашист босқинчилари билан жангда қатнашиб, Москвага олиб борувчи Жануби-ғарбий йўлаклар чегараларини ҳимоя қилишган.

Бухорода филиал очилиши ҳақидаги янгиликни шаҳар аҳолиси хурсандчилик билан кутиб олди. Бу қадам келгусида банк хизматлари фойдаланувчилари сонининг ошишига хизмат қилади, шунингдек, улар учун банк операцияларини амалга оширишда зарур шароитларни яратиб беради.

«Ипак йўли» банки бугун юридик ҳамда жисмоний шахслар учун банк хизматларини кўрсатишнинг барча асосий бозорларида мустаҳкам ўринларни эгаллаш билан бирга доимий равишда ресурс базасини бойитиб, мижозлар сонини ошириб бормоқда. Банк ўзини мижозлар учун универсал банк сифатида намоён этмоқда. 30 йилдан ошиқ фаолият давомида банк ўзини ишончли ва барқарор ҳамкор сифатида кўрсатишга эришди.

Осиё тараққиёт банки 2013 йилдан буён банк аксионеридир. Мазкур битим ОТБ’нинг Марказий Осиё минтақасидаги илк капитал инвестицияси эди. 2020 йил ўрталарида Германия тараққиёт молия институти DEG — Deutsche Investitions und Entwicklungsgesellschaft mbH ва Triodos Investment Management (ўзининг Triodos Microfinance Fund жамғармаси орқали) «Ипак йўли» АИТБга 25 миллион АҚШ доллари миқдорида аксионерлик капиталини киритди.

Инвесторлар янги чиқарилган акцияларни сотиб олиш йўли билан банк аксионерлик капиталининг тенг миноритар улушига эга бўлди ва бу уларнинг Ўзбекистондаги илк банк аксионерлик капиталини ташкил этди. «Ипак йўли» банкининг минтақавий тармоғи Тошкент шаҳри ва Ўзбекистон Республикаси минтақаларидаги 16 та филиални ўз ичига олади. Ҳозирги пайтда минтақаларда 9 та, шунингдек, Тошкент шаҳрида 8 та филиал фаолият олиб бормоқда. Улар қошида 30 та мини банк, жами — 22 та махсус касса, жамғарма ва чакана кассалар, 10 та банк хизматлари маркази, 10 мингдан ортиқ терминал ишлаб турибди. Қолаверса, бутун Ўзбекистон бўйлаб 200 тадан ортиқ банкоматлар ўрнатилган.

Реклама ҳуқуқи асосида.