3-aprel kuni Pepsi ko‘magida keng ko‘lamli tadbir — Humo Arena’da professional boks oqshomi bo‘lib o‘tdi. Yurtimiz va xorijning millionlab ishqibozlari yana bir bora o‘zining chempionlik maqomini himoya qilgan o‘zbek bokschilarining mutlaq g‘alabasiga guvoh bo‘ldi.
Oqshom boshlanishida sportchimiz Iqboljon Xoldorov o‘zining tanzaniyalik raqibi Kulva Bushirini birinchi raundning o‘zida nokaut qildi.
Bundan so‘ng ilk bora o‘z yurtida ringga tushayotgan barcha bokschilarimiz ketma-ket kuchli raqiblari ustidan g‘alaba qozondi.
Shahram G‘iyosov va Patrisio Lopes Moreno o‘rtasidagi uchrashuv juda qiziqarli kechdi. Yurtdoshimiz birinchi yarim o‘rta vazn toifasidagi WBA International maqomini himoya qilishi kerak edi va beshinchi raundda uning meksikalik raqibi nokaut bo‘ldi.
Oqshom yarim yengil vazn toifasidagi WBA va IBF maqomlari uchun Murodjon Ahmadaliyev va Ryosuke Ivasa o‘rtasidagi uzoq kutilgan bahs bilan yakunlandi. Yurtdoshimiz Yaponiyadan kelgan raqibini nokaut qilib, g‘alaba qozondi.
O‘zbek bokschilari quyidagi natijalarni ko‘rsatdi:
Iqboljon Xoldorov — Kulva Bushiri (Tanzaniya) — nokaut
Sanjar Tursunov — Ivan Yuxta (Ukraina) — mutlaq afzallik
Mirazizbek Mirzaxalilov — Tasha Mjuaji (Tanzaniya) — nokaut
Hasanboy Do‘stmatov — Muhsin Kizota (Tanzaniya) — nokaut
Bahodir Jalolov — Kristaps Zuits (Latviya) — nokaut
Isroil Madrimov — Emmanuel Kalombo (Kongo) — mutlaq afzallik
Shahram G‘iyosov — Patrisio Lopes Moreno (Meksika) — nokaut
Murodjon Ahmadaliyev — Ryosuke Ivasa (Yaponiya) — nokaut
Reklama huquqi asosida.
Izoh (0)