“Yuventus” hujumchisi Krishtianu Ronaldu jarohatini tiklayotgan “Barselona” hujumkor yarim himoyachisi Ansu Fatini qo‘llab-quvvatladi.
Katalon klubining 18 yoshli futbolchisi jarohatdan tiklanish jarayoni aks etgan videoni e’lon qildi: “Tiklanyapman, yaqin orada maydonga qaytaman”.
Ronaldu Instagram sahifasida Fatining bu xabari bilan bo‘lishdi va uni qo‘llab-quvvatladi: “Qani olg‘a, Ansu Fati! Sen yaqinda qaytasan! To‘xtama!”.
Fati La Liga joriy mavsumida 7 o‘yin o‘tkazib, 4 ta gol urdi. Futbolchi 7-noyabrda tizzasidan jarohat olib, uzoq muddatga safdan chiqqandi.
Eslatib o‘tamiz, Ronaldu 2009—2018-yillar mobaynida “Real” safida to‘p surgan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)