Samsung kompaniyasi Galaxy S lineykasidagi yettinchi avlod smartfoni mobil telefon emasligini isbotlashga urindi. Bu amalga oshmagan bo‘lsa-da, biroq keltirilgan dalillar qiziqarli, deb yozadi Hi-Tech.Mail.ru.
Mazkur holat Janubiy Afrikada sodir bo‘lgan. Samsung JARning soliq organi — SARS’ni import tariflarini pasaytirish va to‘langan soliqlarning bir qismini qaytarishga ishontirishga urinib ko‘rgan. Agarda SARS Galaxy S7’ni mobil telefon emas, boshqa devays sifatida qabul qilganida, bu rostdan ham amalga oshgan bo‘lar edi.
Samsung’ning ta’kidlashicha, Galaxy S7 oddiy mobil aloqa qo‘ng‘iroqlari uchun emas, balki xabarlar, musiqa, tasvirlar yoki boshqa ma’lumotlarni internet orqali uzatish yoki qabul qilish imkonini beradi. Ya’ni Galaxy S7 — bu hamyonga sig‘adigan kompyuter, shu sababli u oddiy telefonlar kabi soliqqa tortilmasligi kerak.
SARS Samsung’ning dalillariga qo‘shilmagan. Sud soliq organi tarafini olgan va Galaxy S7’ning ko‘plab qo‘shimcha funksiyalari bo‘lishiga qaramay, uning asosiy vazifasi — uyali aloqa tarmog‘i orqali muloqot qilishga mo‘ljallangan telefon ekanligini ma’lum qilgan.
Shuningdek, sudning qo‘shimcha qilishicha, Samsung’ning Galaxy S7’ga noutbuk yoki kompyuter nomini berishga urinishi ikkiyuzlamachilik hisoblanadi va internetga ulanish uchun moslamadan foydalanish gadjetning obyektiv xususiyatlarini o‘zgartirmaydi.
Mavzuga doir: Dunyodagi eng ommabop smartfonlar nomi e’lon qilindi
Izoh (0)