Bugun,

  • USD 11014.01
  • RUB 191.8
  • EUR 10674.78

“Loopnet.com” saytida Amerikaning Falcon Motorsport superkarlar ishlab chiqaruvchi kompaniyasi sotuvga qo‘yilgani to‘g‘risida e’lon paydo bo‘ldi. Kompaniya barcha mualliflik huquqlari, ixtirolari va hatto bir dona yig‘ilgan Falcon F7 superkari bilan 675 ming dollarga sotilmoqda, deb xabar beradi Motor.

Foto: Falcon Motorsport

Falcon Motorsport kompaniyasiga 2009-yili Michigan shtatidagi Xolli shahrida avtomobil dizayneri va muhandis Jeff Lemke tomonidan asos solingan. U Ferrari’ga raqobat tug‘dira oladigan “milliy superkar”ni yaratishni rejalashtirgan va 2012-yilda markaning birinchi modeli — Falcon F7 taqdim etilgan. Shundan buyon Falcon jami yettita mashinani chiqargan.

E’londa ta’kidlanishicha, kompaniyaning bo‘lajak egasiga barcha asbob-anjomlar, press-shakllar, materiallar va boshqa predmetlar ro‘yxati, logotiplar, shiorlar, tovar belgilari, mualliflik huquqi, nou-xau, tijorat sirlari, formulalar, ixtirolar, texnik ma’lumotlar, elektron ma’lumotlar bazasi va chizmalar taqdim etiladi. Hatto Falcon superkarlarini ishlab chiqarish uchun litsenziya ham mavjud.

Falcon F7 superkarlarning har biri 250 ming dollar turishi inobatga olinsa, yuqorida keltirilgan narx juda arzon. Taxminlarga ko‘ra, e’lon noto‘g‘ri berilgan, gap markaning savdosi haqida emas, balki Falcon Motorsport’ning tijoriy ko‘chmas mulki — bino va qurilmalari haqida ketmoqda.

2014-yilda ishlab chiqarilgan Falcon F7

2014-yilda ishlab chiqarilgan Falcon F7
Foto: Cars&Bids

Falcon F7 modeliga 1100 ot kuchini taqdim etishga qodir 7,0 litrli Chevrolet motori o‘rnatilgan. Mashina soatiga 100 kilometr tezlikka uch soniyadan kamroq vaqt ichida erishadi. 2014-yilda ishlab chiqarilgan mavjud nusxalardan biri shu yilning martida 75 ming dollarga sotilgan edi.

Izoh
Asosiy yangiliklar
Mahalliy
“Daryo” kundaligida sodir bo‘lgan eng muhim voqealar
Mahalliy
Shavkat Mirziyoyev Putin taklifiga binoan 7-oktabr kuni Rossiyaga boradi
Mahalliy
Dunyoda koronavirusni yuqtirish holatlari 6 foiz, o‘lim ko‘rsatkichi esa 12 foizga kamaydi