O‘ziga yarasha kiyinish uslubi va didi bilan boshqa shou-biznes vakillaridan ajralib turadigan xonanda Selin Dionning garderobidagi liboslar va kiyimlarni moslashiga e’tibor qaratamiz.
Jinsi bilan oddiy bichimli, shu bilan birga yorqin bo‘lgan kofta kiying. Aynan rang obrazingizdagi urg‘u bo‘lsa yana yaxshi. Yanada o‘ziga xoslik istasangiz, aksessuarlardan foydalanishingiz mumkin.
Shim va yubka bilan kiyilgan oq, uzun kofta yengil kardigan o‘rnini bosishi mumkin. Havo harorat to‘g‘ri kelsa va matosi yupqa bo‘lmasa, bemalol ko‘ylak sifatida kiysa ham bo‘ladi.
Qora kofta bilan yorqinroq yoki printli pidjak kiygan yaxshi. Agar shim yoki yubka noodatiyroq bo‘lsa, bluzka yoki ustki kiyim maksimal darajada odmi bo‘lsin. Yoki aksincha, kofta o‘ziga xos bo‘lsa, shim yoki yubkaning odmirog‘ini tanlaganingiz yaxshi.
Oddiy kofta bilan obraz zerikarli bo‘lishini istamasangiz uni yubka ichiga turli usullar bilan kirgizing.
Rangli kostyum-shim kiyganda koftaning shu rangdagisi, ammo biroz ochroq yoki to‘qrog‘ini tanlang.
Izoh (0)