Fransiya, Polsha va yana besh mamlakat atom energetikasini yoqlab chiqdi

Fransiya, Polsha, Vengriya, Chexiya, Ruminiya, Slovakiya va Sloveniya atom energetikasini yoqlab chiqdi, deb xabar beradi Spot Reuters’ga tayanib.

Ushbu mamlakatlar rahbarlari Yevropa komissiyasiga xat yozib, atom energetikasi iqlim siyosatida, shu jumladan, barqaror moliyalashtirish qoidalarida boshqa past uglerodli texnologiyalar bilan bir qatorda turishi kerak, degan fikrni bildirdi.

Xatda, shuningdek, tijoriy muvaffaqiyatga qachon erishishi noma’lum bo‘lgan texnologiyalarni rivojlantirishga urg‘u berish qisqa muddatli loyihalarni xavf ostida qoldirayotganiga e’tibor qaratilgan.

Hozir Yevropada “yashil moliyalashtirish” haqidagi qonunni ishlab chiqish yakunlanmoqda, u past uglerodli loyihalarga mablag‘larni yo‘naltirishni tasdiqlaydi, ammo Yevrokomissiya atom energetikasini barqaror investitsiyalarga kiritish-kiritmaslik bo‘yicha qaror qilgani yo‘q. Masalan, Germaniya va Avstriya bunga qarshi chiqmoqda.

Reuters qayd etishicha, xatga o‘z imzosini qo‘ygan davlatlarning ko‘pchiligi atom energetikasidan faol foydalanmoqda. Fransiya, masalan, atom elektr stansiyalari hisobidan iste’mol qilinuvchi butun elektr energiyasining 70 foizini oladi.

O‘zbekistonda AES bilan bog‘liq vaziyat

U atom energiyasining toza ekanligi — atmosfera zararlanmasligi, chiqindilar ajralib chiqmasligiga e’tibor qaratgan. Bundan tashqari, O‘zbekiston yadro yoqilg‘isi sohasida katta resurslarga va yadro fani borasida boy tarixga (50 yildan ortiq) egaligini aytgan.

Alisher Sultonov, shuningdek, mamlakat uchun tanlangan reaktor (VVER-1200) dunyodagi eng xavfsiz ekanligini ta’kidlagan — u nafaqat Chernobil, balki Fukusimadan keyingi voqealarni hisobga olgan holda ishlab chiqilgan, chunki u bugungi kunda Chernobilda yuz bergan hodisa kabi holatlarning oldini olishga imkon beradigan qurilmaga ega yagona reaktor.

Vazir AES nafaqat energiya, balki juda ko‘p ish o‘rinlari yaratiladigan, shuningdek, nafaqat ilm-fan, balki milliy iqtisodiyotning ko‘plab tarmoqlarini rivojlantiradigan “katta qurilish” ekanligini aytgan.