Франция, Польша ва яна беш мамлакат атом энергетикасини ёқлаб чиқди

Франция, Польша, Венгрия, Чехия, Руминия, Словакия ва Словения атом энергетикасини ёқлаб чиқди, деб хабар беради Spot Reuters’га таяниб.

Ушбу мамлакатлар раҳбарлари Европа комиссиясига хат ёзиб, атом энергетикаси иқлим сиёсатида, шу жумладан, барқарор молиялаштириш қоидаларида бошқа паст углеродли технологиялар билан бир қаторда туриши керак, деган фикрни билдирди.

Хатда, шунингдек, тижорий муваффақиятга қачон эришиши номаълум бўлган технологияларни ривожлантиришга урғу бериш қисқа муддатли лойиҳаларни хавф остида қолдираётганига эътибор қаратилган.

Ҳозир Европада «яшил молиялаштириш» ҳақидаги қонунни ишлаб чиқиш якунланмоқда, у паст углеродли лойиҳаларга маблағларни йўналтиришни тасдиқлайди, аммо Еврокомиссия атом энергетикасини барқарор инвестицияларга киритиш-киритмаслик бўйича қарор қилгани йўқ. Масалан, Германия ва Австрия бунга қарши чиқмоқда.

Reuters қайд этишича, хатга ўз имзосини қўйган давлатларнинг кўпчилиги атом энергетикасидан фаол фойдаланмоқда. Франция, масалан, атом электр станциялари ҳисобидан истеъмол қилинувчи бутун электр энергиясининг 70 фоизини олади.

Ўзбекистонда АЭС билан боғлиқ вазият

У атом энергиясининг тоза эканлиги — атмосфера зарарланмаслиги, чиқиндилар ажралиб чиқмаслигига эътибор қаратган. Бундан ташқари, Ўзбекистон ядро ёқилғиси соҳасида катта ресурсларга ва ядро фани борасида бой тарихга (50 йилдан ортиқ) эгалигини айтган.

Алишер Султонов, шунингдек, мамлакат учун танланган реактор (ВВЭР-1200) дунёдаги энг хавфсиз эканлигини таъкидлаган — у нафақат Чернобиль, балки Фукусимадан кейинги воқеаларни ҳисобга олган ҳолда ишлаб чиқилган, чунки у бугунги кунда Чернобилда юз берган ҳодиса каби ҳолатларнинг олдини олишга имкон берадиган қурилмага эга ягона реактор.

Вазир АЭС нафақат энергия, балки жуда кўп иш ўринлари яратиладиган, шунингдек, нафақат илм-фан, балки миллий иқтисодиётнинг кўплаб тармоқларини ривожлантирадиган «катта қурилиш» эканлигини айтган.