Misr poytaxti Qohira markazidagi to‘qqiz qavatli bino qulashi oqibatida halok bo‘lganlar soni 22 kishiga yetdi, deb yozadi “RBK”.
El Balad nashri ma’lumotlariga ko‘ra, jabrlanganlar soni ham o‘sgan: 25 kishi jarohat olgan. Qutqaruvchilar bedarak yo‘qolgan uch kishini qidirishda davom etmoqda.
Qohiradagi bino 27-mart kuni ertalab qulab tushgan edi. Dastlab hodisa oqibatida uch kishi halok bo‘lib, 23 kishi jabrlangan edi. Jarohatlanganlarning barchasi As-Salom kasalxonasiga yetkazilgan. Voqea joyida kuni bo‘yi qutqaruvchilar va maxsus texnika ish olib borgan. Mutaxassislar ushbu uyga yondosh binolarni ko‘zdan kechirib, ularning qulash xavfini baholadi.
Qohira muhofazasi vayronalar ostidan odamlarni qidirish ishlari davom etayotganini ma’lum qildi.
Shahar gubernatori, general-mayor Xolid Abdul Al prokuratura tekshiruvni yakunlaganidan keyin darhol vayrongarchilikdan yetgan zararni tahlil qilish uchun muhandislik qo‘mitasi tuzishni buyurdi.
Nashr yozishicha, bunday voqealar kamyob hisoblanmaydi. Ekspertlar qayd etishicha, Qohirada inshootlarning 40 foizi ro‘yxatdan o‘tkazilmagan va standartlarga javob bermaydi. Birinchi navbatda bu kambag‘al dahalardagi inshootlarga tegishli.
Mavzuga doir:
Izoh (0)