RS Success Agro kompaniyasi Xovos tumani cho‘llarini yashil dalalarga aylantirmoqda, ya’ni texnik kannabis ekish kampaniyasi olib bormoqda. Aytish joizki, korxona uchun ajratilgan bu yerlar avvallari sho‘r bosgan cho‘l zonasi edi.
Bir necha oydan so‘ng xuddi shu hududda mustaqil O‘zbekiston tarixidagi birinchi texnik kannabis hosili yig‘ib olinadi. Ushbu ekin ancha yillardan buyon butun jahonga mashhur o‘simliklardan biri bo‘lib, turli sohalarda qo‘llaniladi va ko‘plab mamlakatlar iqtisodiyotida muhim ahamiyatga ega.
“2021-yilgi ekish mavsumi uchun hozircha Yevropadan kelib chiqqan urug‘lar qo‘llanmoqda. Kelgusida RS Success Agro kompaniyasi tetragidrokannabinol (TGK) miqdori eng past darajadagi o‘z urug‘larini yetishtirishga bel bog‘lagan. Bizda yetishtirilgan texnik kannabis urug‘i tarkibidagi tetragidrokannabinol qonunda belgilangan me’yordan ancha kam bo‘ladi. Minimal TGKli yuqori mahsuldor kannabis shtammlarini ko‘paytirish kompaniya seleksionerlarining ustuvor vazifasidir. Shu maqsadda RS Success Agro O‘zbekistonda kannabis mahsulotlarining sertifikatlangan va ilmiy tadqiqotlarga mo‘ljallangan birinchi sanoat laboratoriyasini yaratdi. Ayni paytda har bir ekilgan navning salohiyati, uning mahalliy iqlimga moslashishi va olingan xomashyo sifati o‘rganilmoqda”,— deydi RS Success Agro bosh direktori Robiya Ibragimova.
“Aqlli” agrotexnologiyalar — mo‘l hosil garovi
Ekin ekish tadbirlarini o‘z vaqtida yakunlash kannabis urug‘i va tolasining yuqori hosildorligini ta’minlaydi. Shu bois dalalarga yuksak samarador yangi texnikalar olib kelindi. Kompaniya xodimlarining vazifasi bitta texnika bilan 24 soatlik smenada, 100 gektar maydonga urug‘ qadashdir.
RS Success Agro kompaniyasi IoT tizimini biotexnologik industrial agromajmua faoliyatiga tatbiq etgan. Bu tizim kompaniyaning nafaqat O‘zbekiston, balki butun jahonda yetakchi o‘rinni egallashiga imkon beradi. Mazkur tizim ekin yetishtirish jarayonining to‘liq nazorat qilinishini ta’minlaydi. Datchiklar va sun’iy yo‘ldosh aloqasi orqali uskunaning muayyan bir vaqtda qayerdaligini va qanday ish bilan shug‘ullanayotganini ko‘rish mumkin.
“Kompaniya mutaxassislari bu jarayonni imkon qadar avtomatlashtirishga harakat qilishmoqda. Agromajmuamiz barcha jarayonni IT yechimlarga asoslagan va bu O‘zbekiston qishloq xo‘jaligida mutlaqo yangicha yondashuvni aks ettiradi. Bizning usul moddiy, texnik resurslar va energiya xarajatlarini sezilarli darajada tejashga xizmat qilib, biznes jarayonlarining shaffofligini va mahsulot xavfsizligini ta’minlaydi”, — deb qayd etdi Robiya Ibragimova.
RS Success Agro biotexnologik industrial agromajmuasi o‘z meteorologik stansiyasiga ega. Stansiya fevral oyi oxirida O‘zbekistonga kirib keladigan sovuq havo oqimi to‘g‘risida avvaldan bilish va ekish kampaniyasini keyinga qoldirish imkonini berdi. Dalalarga o‘rnatilgan datchiklar tuproq namligi hamda harorati ko‘rsatkichlarini baholashda muhim rol o‘ynadi.
RS Success Agro Xovos cho‘llarini yashil maydonga aylantirmoqda
RS Success Agro kompaniyasi ekinlar uchun ajratilgan yer bir necha o‘n yillar davomida ishlov berilmagan, unumdorligi yo‘q, deb topilgan edi. Shu bois dala maydonlarini begona o‘tlardan tozalash, yillar davomida hosil bo‘lgan tepalik va teshiklarni tekislash kerak bo‘ldi. Yerning avvalgi kuchini qaytarish uchun 25 million begona cho‘l o‘tlari olib tashlanib, 18 million kub metr yer yotqizildi.
Oradan bir necha oy o‘tgach, Xovosning sobiq cho‘l yerlari texnik kannabis ekilgan yashil maydonlarga aylanadi
Agronomlar duch keladigan asosiy muammolardan biri — bu Xovos hududlarining sho‘rlanishi. So‘nggi yillarda ushbu hududda yog‘ingarchilik juda kam bo‘lgani tufayli tuproqni yuvish imkoni bo‘lmagan. Shu bois yer osti tomchilatib sug‘orishni joriy etish zarur quvvatni tiklashning eng samarali usuli bo‘ldi. Ushbu innovatsion texnologiya O‘zbekiston qishloq xo‘jaligi sohasini yangi bosqichga olib chiqish imkonini beradi. Bu yer unumdorligini tiklash, har bir tomchi suvni tejash va hosildorlikni sezilarli darajada oshirish deganidir.
Texnik kannabis tuproqqa yetarlicha chuqur kirib boruvchi ildiz tizimiga ega. Ammo ma’lum bir chuqurlikda joylashgan yer osti tomchilatib sug‘orish usuli tufayli o‘simlik ildizi uzoqqa ketmaydi, balki belgilangan chuqurlikda kerakli miqdordagi namlik va minerallarni o‘ziga singdiradi. Shunday qilib, innovatsion agrotexnika tadbirlari tufayli tuproqning yuqori qatlamlaridagi tuz o‘simlikdan ajratib olinib, quyi tuz qatlamlari tomchilatib sug‘orish tizimi ostida qoladi va ildizga rivojlanish uchun qulay muhit yaratiladi.
Agronomlar ta’kidlaganidek, qulay ob-havo sharoiti (iliq harorat va me’yoriy namlik)da texnik kannabisning ilk nihollari yetti kun ichida unib chiqadi. RS Success Agro biotexnologik industrial agromajmuasida uzluksiz ishlab chiqarish zanjiri tashkil etilgan. U bir vaqtning o‘zida bir necha ishlab chiqarish turini qamrab oladi. Sovuq presslash usulida yog‘ olish, texnik kannabis yog‘ini butilkalash, tola, arbolit va ozuqa ishlab chiqarish kabi imkoniyatlar shular jumlasidandir.
Reklama huquqi asosida.
Izoh (0)