Drift bo‘yicha jahon chempioni kichik Von Gittin o‘zining Team RTR jamoasi bilan ekstremal tryuklarni amalga oshirgani tasvirlangan video bilan bo‘lishdi. Poygachilar drift davomida ikkita Ford Mustang ustidan sakrab o‘tgan, deb xabar beradi Motor.
Esktremal video G‘arbiy Virjiniyadagi Panthera Tactical Training Facility harbiy-taktik o‘quv poligoni hududida suratga olingan. Mahalliy hudud amerikalik harbiy xizmatchilarning jangovar harakatlarni mashq qilishi uchun mo‘ljallangan. Biroq bu safar poligonda boshqacha ssenariy bo‘lib o‘tdi.
Rolik avvalida poygachilar Ultra4 Racing 4440 Ford Bronco’da tor o‘rmon yo‘lagida drift amalga oshiradi. Shundan so‘ng, sportchilar tramplindan qishloq yo‘liga chiqib oladi, kadrda esa ikkita Ford Mustang RTR paydo bo‘lgan.
Rolik davomida sportkarlarga baggi (notekis yo‘llarda harakatlanishga mo‘ljallangan yengil mashina) kelib qo‘shilgan. Uchtalik driftdan so‘ng Ultra4 Racing 4440 bir necha soniyaga Mustang’lardan uzoqlashib, kuchli portlashlar fonida tramplin yordamida sportkarlar ustidan sakrab o‘tadi.
Izoh (0)