Andijon shahrida turkiyalik investorlar tomonidan 16 ta 12 va 16 qavatli uy quriladi. Bu haqda investorlarning viloyat hokimi bilan uchrashuvida ma’lum qilindi, deya xabar berdi “Daryo” muxbiri Umidjon Mamarasulov.
Ta’kidlanishicha, 2021-yilning 23-mart kuni Andijon viloyati hokimi Shuhrat Abdurahmonov Turkiyaning “Mezirhan” va “Endeks” kompaniyalari rahbarlari Yusuf Kenan, Erkan Dag‘li hamda ularning Andijondagi hamkori “Xokon avto invest” MChJ rahbari Ulug‘bek Ahmedov bilan uchrashuv o‘tkazgan.
Uchrashuvda viloyat hududida qurilish sohasida amalga oshirilayotgan ishlar haqida ma’lumot berilib, hududda Turkiya texnologiyalari asosida ko‘p qavatli uylar qurish, buning uchun zarur bo‘lgan xomashyo mahsulotlari tannarxini tushirish uchun qurilish materiallarini ishlab chiqaruvchi qo‘shma korxona faoliyatini yo‘lga qo‘yish xususida muzokaralar olib borilib, ikki tomonlama kelishuv imzolangan.
Kelishuvga ko‘ra, Turkiya kompaniyalari tomonidan 50 million dollar investitsiya kiritilib, Andijon shahrida 6 ta 16 qavatli hamda 8 ta 12 qavatli, Asaka tumanida es 2 ta 16 qavatli uy-joy qurish loyihasini amalga oshirish rejalashtirilgan.
Izoh (0)