Андижон шаҳрида туркиялик инвесторлар томонидан 16 та 12 ва 16 қаватли уй қурилади. Бу ҳақда инвесторларнинг вилоят ҳокими билан учрашувида маълум қилинди, дея хабар берди «Дарё» мухбири Умиджон Мамарасулов.
Таъкидланишича, 2021 йилнинг 23 март куни Андижон вилояти ҳокими Шуҳрат Абдураҳмонов Туркиянинг «Мезирҳан» ва «Эндекс» компаниялари раҳбарлари Юсуф Кенан, Эркан Дағли ҳамда уларнинг Андижондаги ҳамкори «Хокон авто инвест» МЧЖ раҳбари Улуғбек Аҳмедов билан учрашув ўтказган.
Учрашувда вилоят ҳудудида қурилиш соҳасида амалга оширилаётган ишлар ҳақида маълумот берилиб, ҳудудда Туркия технологиялари асосида кўп қаватли уйлар қуриш, бунинг учун зарур бўлган хом ашё маҳсулотлари таннархини тушириш учун қурилиш материалларини ишлаб чиқарувчи қўшма корхона фаолиятини йўлга қўйиш хусусида музокаралар олиб борилиб, икки томонлама келишув имзоланган.
Келишувга кўра, Туркия компаниялари томонидан 50 миллион доллар инвестиция киритилиб, Андижон шаҳрида 6 та 16 қаватли ҳамда 8 та 12 қаватли, Асака туманида эс 2 та 16 қаватли уй-жой қуриш лойиҳасини амалга ошириш режалаштирилган.
Изоҳ (0)