Futbol bo‘yicha Angliya Premyer Ligasining 29-turida “Arsenal” 21-mart, yakshanba kuni “Vest Hem” maydonida mehmon bo‘ldi.
Birinchi bo‘limda maydon egalari raqib darvozasiga uchta to‘p kiritishga muvaffaq bo‘ldi. Jessi Lingard, Jerrod Bouen va Tomash Souchekning gollaridan keyin hisob yirik ko‘rinish oldi. Bunga mehmonlar tanaffusga qadar bitta gol bilan javob qaytardi.
61-daqiqada Kreyg Douson o‘z darvozasini ishg‘ol qilib qo‘ydi va oradagi farq minimalga yetdi. Uchrashuv yakunlanishi arafasida Aleksander Lyakazett muvozanatni tiklashga muvaffaq bo‘ldi. Qolgan vaqtda hisob o‘zgarmadi.
“Arsenal” 42 ochko bilan 9-o‘rinda bormoqda. “Vest Hem” (49) esa 5-pog‘onadan joy olgan.
APL
29-tur bahsi
21-mart, yakshanba
“Vest Hem” — “Arsenal” 3:3
Gollar: 1:0 – 15 Lingard, 2:0 – 17 Bouen, 3:0 – 32 Souchek, 3:1 – 38, avtogol Souchek, 3:2 – 61, avtogol Douson, 3:3 – 82 Lyakazett.“Vest Hem”: Fabianski, Kressuell, Diop, Soufal, Douson, Lingard, Rays, Benrahma (Frederiks, 79), Souchek, Bouen (Nobl, 74), Antonio.
“Arsenal”: Leno, Chembers, Tirni, David Luiz, Mari, Jaka (Smit-Rou, 74), Parti, Saka (Pepe, 74), Edegor, Lyakazett, Obameyang (Martinelli, 81).
Ogohlantirishlar: Soufal (59), Antonio (88), Kressuell (89), Lyakazett (90).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)