Футбол бўйича Англия Премьер Лигасининг 29-турида «Арсенал» 21 март, якшанба куни «Вест Ҳэм» майдонида меҳмон бўлди.
Биринчи бўлимда майдон эгалари рақиб дарвозасига учта тўп киритишга муваффақ бўлди. Жесси Лингард, Жеррод Боуэн ва Томаш Соучекнинг голларидан кейин ҳисоб йирик кўриниш олди. Бунга меҳмонлар танаффусга қадар битта гол билан жавоб қайтарди.
61-дақиқада Крейг Доусон ўз дарвозасини ишғол қилиб қўйди ва орадаги фарқ минималга етди. Учрашув якунланиши арафасида Александер Ляказетт мувозанатни тиклашга муваффақ бўлди. Қолган вақтда ҳисоб ўзгармади.
«Арсенал» 42 очко билан 9-ўринда бормоқда. «Вест Ҳэм» (49) эса 5-поғонадан жой олган.
АПЛ
29-тур баҳси
21 март, якшанба
«Вест Ҳэм» — «Арсенал» 3:3
Голлар: 1:0 – 15 Лингард, 2:0 – 17 Боуэн, 3:0 – 32 Соучек, 3:1 – 38, автогол Соучек, 3:2 – 61, автогол Доусон, 3:3 – 82 Ляказетт.«Вест Ҳэм»: Фабианьски, Крессуэлл, Диоп, Соуфал, Доусон, Лингард, Райс, Бенраҳма (Фредерикс, 79), Соучек, Боуэн (Нобл, 74), Антонио.
«Арсенал»: Лено, Чемберс, Тирни, Давид Луиз, Мари, Жака (Смит-Роу, 74), Парти, Сака (Пепе, 74), Эдегор, Ляказетт, Обамеянг (Мартинелли, 81).
Огоҳлантиришлар: Соуфал (59), Антонио (88), Крессуэлл (89), Ляказетт (90).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)