Futbol bo‘yicha Angliya Kubogining chorak finalida “Chelsi” 21-mart, yakshanba kuni “Sheffild Yunayted”ni qabul qildi.
Uchrashuvning 24-daqiqasida Oliver Norvud o‘z darvozasini ishg‘ol qilib qo‘ydi va londonliklar hisobda oldinga o‘tib oldi. O‘yin yakunlanishi arafasida Hakim Ziyosh mezbonlarning ikkinchi to‘pini kiritgan holda bahsga nuqta qo‘ydi.
Bu g‘alabadan keyin “Chelsi” Angliya Kubogi yarim finaliga chiqdi. Avvalroq “Manchester Siti” va “Sauthempton” yarim final yo‘llanmasiga ega bo‘lgandi. Yana bir yo‘llanma “Lester” — “Manchester Yunayted” uchrashuvida o‘ynaladi.
Angliya Kubogi
¼ final bahsi
21-mart, yakshanba
“Chelsi” — “Sheffild Yunayted” 2:0
Gollar: 1:0 – 24, avtogol Norvud, 2:0 – 90+2 Ziyosh.“Chelsi”: Arrisabalaga, Emerson, Chiluell, Kristensen (Aspilikueta, 63), Zuma, Kovachich, Maunt, Gilmor (Ziyosh, 72), Pulishich (Kante, 83), Hadson-Odoi (Haverts, 72), Jiru (Jeyms, 63).
“Sheffild Yunayted”: Remsdeyl, Stivens, Boldok, Jagelka, Bogl, Flek, Osborn, Landstryom, Norvud (Bryuster, 79), Makberni (Berk, 75), Makgoldrik.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)