Футбол бўйича Европа Лигасининг 1/8 финал босқичининг жавоб учрашувида «Тоттенҳэм» 18 март, пайшанба куни «Динамо З» майдонига сафар қилди.
Беллашувда Жозе Моуриньо шогирдлари йирик ҳисобда мағлубиятга учради. Мезбонлар ярим ҳимоячиси Мислав Оршич учрашувнинг асосий вақтида (62 ва 83-дақиқаларда) «шпорлар» дарвозасини икки марта ишғол этди. Икки ўйин натижасига кўра ҳисоб 2:2 кўринишини олди ва шундан сўнг жамоалар қўшимча таймларга мурожаат қилди.
106-дақиқада Оршич яна бир бор гол уриб, ҳет-трикни расмийлаштирди ва «Тоттенҳэм»ни мусобақадан чиқариб юборди. Шу тариқа Моуриньо шогирдлари Европа Лигасидаги иштирокини 1/8 финал босқичида якунлайдиган бўлди.
Европа Лигаси
1/8 финал, жавоб баҳси18 март, пайшанба
«Динамо З» Хорватия – «Тоттенҳэм» Англия 3:0
Голлар: 1:0 – 62 Оршич, 2:0 – 83 Оршич, 3:0 – 106 Оршич.«Динамо З»: Ливакович, Теофил-Катрин, Ристовски (Стоянович, 90), Лаурицен, Франич (Леовас, 81), Адеми (Перич, 118), Якич (Атемвен, 75), Иванушес, Майер (Гавранович, 81), Оршич, Петкович (Мишич, 90).
«Тоттенҳэм»: Льорис, Дэвис (Регилон, 90), Орье (Бергвейн, 108), Санчес, Дайер, Сиссоко, Уинкс (Ндомбеле, 68), Ламела (Бэйл, 60), Алли (Ло Чельсо, 68), Лукас Моура (Винисиус, 85), Кейн.
Огоҳлантиришлар: Ламела (22), Якич (32), Лаурицен (79), Стоянович (92).
Биринчи ўйин — 0:2.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)