Uzbekistan Airways aviakompaniyasi 29-martidan 30-aprelga qadar haftada ikki marotaba — dushanba va juma kunlari Moskva shahridan Samarqand shahriga repatriatsiya qatnovlarini amalga oshiradi. Bu haqda Transport vazirligi matbuot xizmati xabar berdi.
Qayd etilishicha, parvoz Moskva shahridagi “Vnukovo” aeroportidan mahalliy vaqt bilan soat 00:05 da amalga oshiriladi. Samarqand shahriga yetib kelish vaqti — soat 06:05.
Aviachiptalarni kompaniyaning veb-sayti, Uzbekistan Airways sales yoki aviakompaniya agentlarining ofislarida sotib olish mumkin. Qo‘shimcha ma’lumotlar olish uchun +998 (78) 140-02-00 raqamlari orqali qo‘ng‘iroq qilish so‘raladi.
Avvalroq Uzbekistan Airways 28-martdan boshlab Samarqanddan Farg‘ona, Namangan va Urganchga yangi mahalliy yo‘nalishlarda aviaqatnovlarni yo‘lga qo‘yishi to‘g‘risida xabar berilgandi.
Izoh (0)