Uzbekistan Airways авиакомпанияси 29 мартидан 30 апрелга қадар ҳафтада икки маротаба — душанба ва жума кунлари Москва шаҳридан Самарқанд шаҳрига репатриация қатновларини амалга оширади. Бу ҳақда Транспорт вазирлиги матбуот хизмати хабар берди.
Қайд этилишича, парвоз Москва шаҳридаги «Внуково» аэропортидан маҳаллий вақт билан соат 00:05 да амалга оширилади. Самарқанд шаҳрига етиб келиш вақти — соат 06:05.
Авиачипталарни компаниянинг веб-сайти, Uzbekistan Airways sales ёки авиакомпания агентларининг офисларида сотиб олиш мумкин. Қўшимча маълумотлар олиш учун +998 (78) 140-02-00 рақамлари орқали қўнғироқ қилиш сўралади.
Аввалроқ Uzbekistan Airways 28 мартдан бошлаб Самарқанддан Фарғона, Наманган ва Урганчга янги маҳаллий йўналишларда авиақатновларни йўлга қўйиши тўғрисида хабар берилганди.
Изоҳ (0)