Futbol bo‘yicha O‘zbekiston Superligasining 2-turida “Andijon” 16-mart, seshanba kuni “Surxon”ni qabul qildi.
Uchrashuvning 14-daqiqasida Doniyor Ismoilov jarima zarbasidan chiroyli gol urgan holda mezbonlarni oldinga olib chiqdi. Bu gol o‘yinda yagonaligini saqlab qoldi.
Shu tariqa birinchi turda mag‘lubiyatga uchragan “Andijon” mavsumdagi dastlabki g‘alabasini qo‘lga kiritdi.
“Andijon” keyingi turda “Bunyodkor” bilan o‘ynaydi, “Surxon” esa “Qo‘qon-1912”ni qabul qiladi.
Superliga
2-tur bahsi
16-mart, seshanba
“Andijon” — “Surxon” 1:0
Gol: 1:0 – 14 Ismoilov.“Andijon”: Nizomiddin Ziyovutdinov, Edgar Bernhardt (Muhammad Isayev, 59), Usmonali Ismonaliyev, Martin Boaki, Jasur Jaloliddinov, Doniyor Ismoilov (Kamron Saydazimov, 70), Abdug‘ani Kamolov, Sunnatillo Hamidjonov (Ibrohim Otaxonov, 46), Doniyor Abdumannopov, Plamen Dimov, Diyor Rahimqulov.
“Surxon”: Akrom Xo‘jayev, Jasur Yoqubov, Alisher Salimov, Islom Toshpo‘latov (Nizomjon Norov, 77), Murod Bobojonov, Zohir Pirimov, Vladimir Bubanya, Husniddin G‘ofurov, Javohir Esonqulov (Jasur Xolto‘rayev, 52), Behruz Shaydulov, Asror G‘ofurov.
Ogohlantirishlar: Boaki (26), G‘ofurov (60), Bobojonov (71), Otaxonov (84).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)