Қашқадарё вилояти ҳокими Зоир Мирзаевнинг маълумот беришича, вилоятда охирги 10 кунда 8000 нафардан ортиқ фуқародан коронавирусга қарши тест олинган. Тест натижаларига кўра, ҳудудда касаллик чалиниш ҳолати қайд этилмаган.
«Аммо эҳтиёткорлик ва тартиб-интизом келгусида ҳар биримизнинг саломатлигимиз мустаҳкамлигига хизмат қилади. Шундай экан, жамоат жойлари ва транспорт воситаларида тиббий ниқобсиз юриш қонунчиликка асосан жаримага тортишга сабаб бўлади», — дея ҳоким сўзларидан иқтибос келтиради вилоят ҳокимлиги ахборот хизмати.
Ҳокимлик, шунингдек, вилоятдаги ижобий ҳолатни сақлаб қолиш мақсадида ҳар бир фуқародан кўчага отланганда ниқобда бўлишни, карантин қоидаларига амал қилиш лозимлигини сўраган.
Аввалроқ Адлия вазирлиги жамоат жойларида тиббий ниқобсиз юрганлик учун жарима борлигини эслатиб ўтган бўлса, Андижон давлат университети ахборот хизмати университетнинг Ахборот-ресурс маркази ҳамда ободонлаштириш ходимларининг 6 нафарида коронавирус аниқланганини очиқлаганди.
Мавзуга доир:
- Тошкентда такси ва қурилиш соҳасида коронавирус бўйича назорат кучайтирилади
- Тошкентда 1 апрелдан оммавий тадбирларни вақтинча тўхтатиш таклиф қилинди
- Тошкентдаги бозор ва савдо марказларида карантин талаблари кучайтирилди
- Тошкентнинг Мирзо Улуғбек, Чилонзор ва Юнусобод туманидаги барча мактаблар онлайн таълимга ўтади
Изоҳ (0)