O‘zbekistonlik taniqlibokschi Iqboljon Xoldorov 3-aprel kuni Toshkentdagi Humo Arena’da bo‘lib o‘tadigan boks kechasida professional ringdagi debyut jangini o‘tkazadi.
Xoldorovga ushbu jangda ukrainalik Volodimir Gordiyenko (8-3, 3 KO) raqib bo‘ladi, deya xabar qilmoqda Boxrec.
Mazkur boks kechasining asosiy jangida Murodjon Ahmadaliyev (8-0, 6 KO) Ryosuke Ivasaga (27-3, 17 KO) qarshi bellashuvda WBA va IBF kamarlarini himoya qiladi.
Avvalroq Shahram G‘iyosov Toshkentdagi boks oqshomida Isa Chaniyevga, Hasanboy Do‘stmatov esa Aleksis Diasga qarshi jang qilishi xabar qilingandi.
Shuningdek, mazkur boks oqshomida Isroil Madrimov, Bahodir Jalolov, Elnur Abduraimov, Sanjar Tursunov kabi o‘zbekistonlik bokschilar jang qilishi kutilmoqda. Shu kechada Mirazizbek Mirzahalilov ham prof boksdagi debyutini o‘tkazadi.
Ma’lumot uchun, Xoldorov havaskor boksda 2017-yilgi Osiyo chempionati va 2018-yildagi Osiyo o‘yinlari g‘olibi hisoblanadi. Shuningdek, u 2017-yilgi Jahon chempionati kumush medaliga ham sazovor bo‘lgan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)