2020-yilning sentabr oyida “Buxoroda bank boshqaruvchilari 2 milliard so‘m foizsiz kreditni o‘z nomiga rasmiylashtirib olgani ma’lum bo‘ldi” sarlavhasi ostida xabar berilgan edi.
Unda Buxoro viloyatida joylashgan ikkita issiqxonaning har biriga 1 milliard so‘mdan jami 2 milliard so‘m kredit ajratilgani yuzasidan “O‘zsanoatqurilishbank”ning Buxoro mintaqaviy filiali mansabdor shaxslariga, xususan, “O‘zsanoatqurilishbank” bosh ofisi xodimi O.T. va shu bankning “To‘qimachilik” filiali boshqaruvchisi A.Q.ga nisbatan jinoyat ishi qo‘zg‘atilgani haqida so‘z boradi.
“Daryo”ning aniqlashicha, tergov harakatlari natijasiga ko‘ra bank mansabdorlari, xususan, O.T. va A.Q.ning xatti-harakatlarida jinoyat tarkibi aniqlanmagani sababli ularga nisbatan qo‘zg‘atilgan jinoyat ishi 2020-yilning dekabr oyida Jinoyat-protsessual kodeksining 83-moddasi 2-bandiga (qilmishda jinoyat tarkibi bo‘lmagani bois reabilitatsiya etish) asosan harakatdan tugatilgan.
Izoh (0)