Myanmadagi davlat to‘ntarishiga qarshi norozilik namoyishi ishtirokchilarini tarqatish davomida kamida 18 kishi o‘ldi va 30 dan oshiq odam yaralandi. Bu haqda BMTning Inson huquqlari bo‘yicha Oliy komissiyasi rasmiy vakili Ravina Shamdasaniga tayanib, “RBK” ma’lum qildi.
Foto: Getty Images
Xabarga ko‘ra, Yangon, Tavoy, Mandalay, Mey, Bago va Pakxouku shaharlarida olomonga qarata otilgan o‘qlar kishilarning halok bo‘lishiga sabab bo‘lgan. Bundan tashqari, namoyishchilarga qarshi ko‘zni yoshlatuvchi gaz, chaqnovchi va shovqinli granatalardan foydalanilgan. Shu munosabat bilan, namoyishchilar agar ular jarohat olgan taqdirda, yordam ko‘rsatilishi uchun bilaklariga qon guruhi va yaqin qarindoshlarining telefon raqamini yozib olgan.
Shamdasaning ta’kidlashicha, BMTning inson huquqlari bo‘yicha byurosi Myanmadagi zo‘ravonlik avj olishini qat’iyan qoralaydi va harbiylarni tinch namoyishchilarga qarshi kuch ishlatishni darhol to‘xtatishga chaqiradi. Shu bilan birga, tashkilotning Inson huquqlari bo‘yicha Oliy Komissiyasi “noqonuniy hibsga olinganlarning barchasi, shu jumladan, demokratik yo‘l bilan saylangan hukumat a’zolari” ning ozod qilinishini talab qilgan.
Protesters in Myanmar are standing their ground, even as security forces use live ammo. Reports that 18 protesters were killed today. And still they stand strong against the coup.#WhatsHappeninglnMyanmar
pic.twitter.com/9XrzuLAEvw— Read Mutual Aid by Dean Spade (@JoshuaPotash) February 28, 2021
TW/blood
This 20 years old young boy from Yangon was shot to death by Myanmar Military junta during his peaceful protest. He called his mother before he passed away, and said:
“ MOM... I get Shot!”
Today, at least 26 were killed in Myanmar.#WhatsHappeningInMyanmar#Feb28Coup pic.twitter.com/jpbSLv5TRJ— Thiha Aung (@ThihaAu69908571) February 28, 2021
GRAPHICS: A Myanmar Muslim young man from Mawlamyine, Mon State was shot in the head by #Myanmar police and military. Died on the spot.#WhatsHappeningInMyanmar #Feb28Coup #MilkTeaAlliance #MilkTeaAllianceMyanmar pic.twitter.com/Vhx0sIjuYN
— Ro Nay San Lwin (@nslwin) February 28, 2021
Ma’lumot uchun, 1-fevral kuni Myanma harbiylari mamlakatda hokimiyatni qo‘lga kiritganini e’lon qildi, ular mamlakat prezidenti va boshqa yuqori martabali amaldorlarni 2020-yil 8-noyabrda bo‘lib o‘tgan “saylovdagi firibgarliklar”ni tekshirmaganlikda ayblab, hibsga oldi. Qurolli Kuchlar bosh qo‘mondoni Min Aung Xlayn mamlakatning muvaqqat prezidenti etib tayinlandi va mamlakatda bir yil muddatga favqulodda holat joriy etildi.
Myanma aholisi 6-fevral kuni Yangon ko‘chalariga chiqib, harbiylar tomonidan hokimiyat egallab olinishiga qarshi chiqdi. Mamlakatda ommaviy norozilik va ish tashlashlar boshlangach Transport va kommunikatsiyalarni rivojlantirish vazirligi 14-fevral kuni uyali aloqa operatorlariga internetga kirishni taqiqlashni buyurdi. Natijada 15-fevral kuni ertalab sakkiz soat davomida tarmoqqa kirish imkonsizligicha qoldi. Ammo keyinchalik internet aloqasi tiklandi.
