Koronavirus pandemiyasiga qaramay, 2020-yilda global mudofaa xarajatlari 3,9 foizga o‘sdi. Bu haqda Xalqaro strategik tadqiqotlar instituti ma’lumotlariga tayanib, “Korrespondent.net” xabar berdi.
“2020-yilda global mudofaa xarajatlari 1,83 trillion dollarga yetdi va yillik o‘sish 3,9 foizni tashkil etdi”, — deyiladi xabarda.
Shu bilan birga, mazkur ko‘rsatkichning uchdan ikki qismi AQSh va Xitoyning harbiy budjetlariga to‘g‘ri keladi: AQShda mudofaa xarajatlari 6,3 foizga o‘sdi, XXRda esa bu ko‘rsatkich 2019-yilga nisbatan biroz kamroq (5,9%) bo‘lib, xarajatlar o‘sishi 5,2 foizni tashkil etdi. Ta’kidlanishicha, Xitoyning dengiz floti qurish dasturlari global, xususan, Osiyodagi mudofaa xarajatlarining o‘sishiga qisman ta’sir ko‘rsatdi.
Dunyodagi barcha harbiy xarajatlarning aksariyati Qo‘shma Shtatlarga to‘g‘ri keladi — 40 foiz yoki 738 milliard dollar. Shuningdek, 2020-yilda Yevropada ham mudofaa xarajatlari 2 foizga o‘sgan. Rossiyada mazkur xarajatlar 2020-yilda 3,8 foizga oshgan.
Ma’lumot uchun 2019-yilda global mudofaa xarajatlari 4 foizga o‘sib, so‘nggi o‘n yil ichidagi rekord ko‘rsatkichni tashkil qilgan.
Eslatib o‘tamiz, pandemiyaga qaramay, 2020-yilda butun dunyo bo‘ylab aviahalokatlar oqibatida halok bo‘lganlar soni 299 kishini tashkil etdi, bu 2019-yilga nisbatan 42 kishiga ko‘p demak. Shu bilan birga, halokatlar soni ikki barobardan ortiqqa kamaygan — 86 tadan 40 taga.
O‘tgan yili vafot etganlarning yarmidan ko‘pi — 167 kishi Erondagi halokat hisobiga to‘g‘ri kelmoqda. “Ukraina xalqaro avialiniyasi”ning Boeing 737 layneri 8-yanvar kuni Tehrondan ko‘tarilgach, xatolik sabab harbiylar tomonidan urib tushirilgan edi
Mavzuga doir: YuNKTAD: Jahon savdo hajmi qayta tiklana boshladi
Izoh (0)