Toshkentda ayolning turmush o‘rtog‘ini uyiga qaytarish uchun o‘ylab topgan yolg‘oni jinoyat ishi qo‘zg‘atilishiga sabab bo‘ldi, deb xabar bermoqda IIV Tergov departamenti.
20-fevral kuni 41 yoshli ayol D.M. Shayxontohur tumani IIO FMB boshlig‘i nomiga ariza bilan murojaat qilib, unda 19-fevraldan 20-fevralga o‘tar kechasi soat 02:20 larda Shayxontohur tumani Uchlola ko‘chasida joylashgan xonadonining kirish yo‘lagi oldida voyaga yetmagan 16 yoshli o‘g‘li M.T.ni yuziga niqob kiyib olgan noma’lum shaxs urib, 20 million so‘mlik tilla taqinchoqlarini olib qochganligini ma’lum qilgan.
Olib borilgan tergovga qadar tekshiruv harakatlari natijasida D.M. turmush o‘rtog‘ini uyiga qaytarish maqsadida ushbu yolg‘onni o‘ylab topganligini aytgan.
Mazkur holat yuzasidan Shayxontohur tumani IIO FMB huzuridagi Tergov bo‘linmasi tomonidan D.M.ga nisbatan Jinoyat kodeksining 237-moddasi 1-qismi (yolg‘on xabar berish) bilan jinoyat ishi qo‘zg‘atilib, gumon qilinuvchi tariqasida jalb qilingan.
Hozirda tergov harakatlari davom etmoqda.
Izoh (0)