Habib Nurmagomedov Konor Makgregorning kelajagi haqida: Odamda hech qachon 2 ta “pik” bo‘lmaydi

Yengil vazn toifasida UFC chempioni Habib Nurmagomedov (29-0) yakkakurashchi va You Tube bloger Magomed Ismoilov bilan bo‘lgan suhbatda Konor Makgregor haqida fikr bildirdi.

— Konor yanada kuchli bo‘lib qayta oladimi?

— Hech qachon. Hech qachon odam faoliyatida ikkita cho‘qqi bo‘lmaydi. Hozir gap unda emas, biroq hech bir sportchida ikkinchi “pik” bo‘lmaydi, hech qachon! Jamoaviy sport turlarida buning iloji bor, chunki ularda o‘yinchilar almashib turadi.

Ammo gap biz haqimizda ketyapti, to‘g‘rimi? Yakkalik sportchilar: kurashchi, bokschi, atlet, MMA jangchisi farqi yo‘q, u hech qachon ikkinchi marta faoliyatining cho‘qqisiga chiqa olmaydi, — deydi Habib.

Eslatib o‘tamiz, Habib va Konor 2018-yilning 6-oktabrida UFC 229 musobaqasida o‘zaro to‘qnash kelgan. Unda rossiyalik yakkakurashchi to‘rtinchi raundda bo‘g‘ish usulini qo‘llab, raqibini taslim etgandi. Jangdan keyin Habib ehtiroslarini jilovlay olmagan va irlandiyalik sportchi jamoasi vakillaridan biri bilan janjallashib ketgandi.