Bugun,

  • USD 11095.31
  • RUB 173.84
  • EUR 10772.44

Toshkent shahri va viloyatida avtomobillarni talon-toroj qilgan hamda xonadonlardan birining sakkiz bosh qo‘yini o‘g‘irlagan shaxslar qo‘lga olindi, deya xabar bermoqda viloyat IIBB.

Foto: Toshkent viloyati IIBB

Foto: Toshkent viloyati IIBB

Ma’lum qilinishicha, 2021-yilning 20-yanvar kuni Toshkent tumani “Ko‘hinur” mahallasida yashovchi fuqaro F.A. tuman IIBga ariza bilan murojaat qiladi.

U arizasida 2021-yil 19-yanvardan 20-yanvar kuniga o‘tar kechasi o‘z yashayotgan uy oldida qoldirgan Changan avtomashinasining eshigi noma’lum shaxslar tomonidan ochilib, avtomashina salonida bo‘lgan bir million so‘mlik antiradar moslamasi, 250 ming so‘mlik “audio magnitofon” va boshqa mayda buyumlar hamda 300 ming so‘m miqdoridagi naqd pullarni yashirin ravishda talon-toroj qilib ketilganligini bayon qilib, ularga nisbatan qonuniy chora ko‘rishni so‘raydi.

Holat yuzasidan Toshkent tumani ichki ishlar boshqarmasi tezkor xodimlari tomonidan olib borilgan surishtiruv ishlari davomida 5-fevral kuni ushbu jinoyatni sodir etganlikda gumon qilingan bir guruh shaxslar — Zangiota tumanida yashovchi 1979-yilda tug‘ilgan M.S., 2001-yilda tug‘ilgan M.Sh., 1993-yilda tug‘ilgan D.N. va voyaga yetmaganlar 2003-yilda tug‘ilgan Sh.T. hamda 2005-yilda tug‘ilgan I.M. qo‘lga olindi.

Foto: Toshkent viloyati IIBB

Foto: Toshkent viloyati IIBB

Shuningdek, surishtiruvlar davomida ushbu uyushgan guruh Toshkent viloyati va poytaxt hududidan 30 ga yaqin turli xildagi avtotransport vositasini g‘ayriqonuniy ochib, transport ichida bo‘lgan pul va qimmatbaho buyumlarni talon-toroj qilib kelgani aniqlanadi.

Jumladan, ular Toshkent tumani “Oqtom” mahallasi hududida 16-yanvar kuni Damas, Lacetti va Matiz avtomashinasini, 18-yanvar kuni “Ko‘ksaroy” mahallasida Nexia avtomashinasini, 20-yanvar kuni esa “Ko‘hinur” mahallasida Changan va Cobalt, “Ko‘ksaroy” mahallasida Gentra va yana bir Nexia avtomashinalarini eshiklarini buzish orqali ochib, ichidagi narsa va buyumlarni talon-toroj qilgan.

Shuningdek, 3-fevral kuni Zangiota tumani va Toshkent shahrining Olmazor va Shayxontohur tumanlari hududida 21 ta har xil turdagi avtomashinani eshiklarini buzish orqali ochib, ichidagi narsa va buyumlarni olib, voqea joyidan yashiringan.

Foto: Toshkent viloyati IIBB

Foto: Toshkent viloyati IIBB

Bundan tashqari, 25-yanvar kuni Zangiota tumanidagi xonadonlarning biridan sakkiz bosh qo‘yni o‘g‘irlab, sotib yuborganligi aniqlangan.

Hozirda mazkur holat yuzasidan Toshkent tumani IIB huzuridagi tergov bo‘limi tomonidan ushlangan shaxslarga nisbatan Jinoyat kodeksining 169-moddasi 3-qismi “v” bandi (ko‘p miqdorda o‘g‘rilik) bilan jinoyat ishi qo‘zg‘atilgan. Gumonlanuvchilar protsessual tartibda ushlangan.

Bundan avval Rossiyada biri 20 yil, ikkinchisi 10 yildan beri qidiruvda bo‘lgan transport vositalari Toshkent viloyatida saqlab kelingani aniqlangani hamda Sergelida 3 ta Spark’dan qiymati jami 11 million so‘mdan ortiq bo‘lgan pul va buyumlarni o‘marganlar qo‘lga olingani haqida xabar berilgandi.

Izoh
Asosiy yangiliklar
Dunyo
General Pyotr Pavel Chexiyaning yangi prezidenti etib saylandi
Dunyo
Amerikadagi rus mafiyasi boshlig‘iga aylanib, Rossiyada o‘lim topgan “qonundagi o‘g‘ri” — “Yaponchik”. Kun xronologiyasida 29-yanvar
Mahalliy
“O‘tgan yil davomida ichki ishlar xodimlari bilan bog‘liq 644 ta salbiy video tarqalgan” — Shohrux G‘iyosov