Foto: Shavkat Mirziyoyevning Toshkent shahar ichki ishlar bosh boshqarmasiga tashrifi

Xabar berilganidek, O‘zbekiston Prezidenti Shavkat Mirziyoyev 12-fevral kuni Toshkent shahar ichki ishlar bosh boshqarmasiga tashrif buyurdi.

Prezident dastlab bosh boshqarmaning Axborot multimedia markazi faoliyati bilan tanishdi. Markazning zamonaviy texnika va uskunalar bilan jihozlangan, jinoyat va hodisalar to‘g‘risida tezkor xabarlar tayyorlash, brifing va matbuot anjumanlari o‘tkazish uchun yaratilgan sharoitlarni ko‘zdan kechirgan davlat rahbari bunday axborot markazi har bir boshqarmada bo‘lishi kerakligini, tizimdagi o‘zgarishlarni xalqqa yetkazib, aholining ogohligini oshirish zarurligini ta’kidladi.

“Daryo” fotomuxbiri tashrifning e’tiborga molik lahzalari, multimedia markazi hamda shon-sharaf muzeyidan tayyorlangan fotolavhalarni taqdim etadi.

Tashrif davomida Shavkat Mirziyoyev Toshkent shahar ichki ishlar bosh boshqarmasining shon-sharaf muzeyini ham kirib ko‘rdi.

Muzeyda tarixning turli davrlarida jamoat xavfsizligini ta’minlash sohasining shakllanish va rivojlanishi bosqichlar aks ettirilgan. Boshqarma shaxsiy tarkibining turli yillardagi xizmat kiyimlari, tabel qurollari, uskuna va maxsus vositalaridan namunalar ko‘rgazmaga qo‘yilgan.