Super o‘rta vazn toifasida WBC va WBA chempionlik kamarlari sohibi Saul “Kanelo” Alvares (54-1-2, 36 KO) 8-may kuni mazkur vazn divizionida WBO chempioni Billi Jo Sondresga (30-0, 14 KO) qarshi jang qiladi.
Bu haqda promouter Bob Arum ma’lum qildi.
“Eddi Hirn va DAZN Kanelo 8-may kuni Jo Sondresga qarshi jang qilishi haqida bizni ogohlantirdi.
Bu sabab biz Xose Ramires — Josh Teylor jangini 15 yoki 22-may sanasiga ko‘chiramiz”, — deydi Arum.
Eslatib o‘tamiz, Saul Alvares keyingi jangini 27-fevral kuni turkiyalik bokschi Avni Yildirimga (21-2-0, 12 KO) qarshi o‘tkazadi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)