Moliya vazirligi huzuridagi Davlat-xususiy sheriklikni rivojlantirish agentligi direktori — moliya vazirining o‘rinbosari G‘olib Xoljigitov boshqa ishga o‘tishi munosabati bilan lavozimidan ozod qilindi. Bu haqda “Gazeta.uz” xabar qildi.
Ma’lumot uchun, G‘olib Xoljigitov Moliya vazirligida ish faoliyatini 2001-yilda boshlagan. 2004−2011-yillarda Xususiylashtirish, monopoliyadan chiqarish va raqobatni rivojlantirish davlat qo‘mitasi huzuridagi monopoliyaga qarshi siyosatni takomillashtirish ekspert guruhi rahbari, Markaz direktori vazifasini bajaruvchi va Markaz direktori, 2016−2018-yillarda UBS Global Wealth Management korporatsiyasining xususiy kapital va moliyaviy texnologiyalarni boshqarish masalasida avtomatlashtirish va robotlashtirish xizmatlarni joriy etish bo‘yicha loyihalar menejeri (AQSh) sifatida faoliyat ko‘rsatgan.
2018-yildan 2019-yilgacha G‘olib Xoljigitov Bank of America Merril Lynch korporatsiyasining moliyaviy texnologiyalar masalalari bo‘yicha loyihalar menejeri (AQSh) lavozimida ishlagan. 2019-yilda moliya vaziri o‘rinbosari etib tayinlangan edi.
Bundan avval Buxoro shahar prokurori Jasur Fozilov lavozimidan ozod etilgani, Abdumannop To‘laganov Prezident maslahatchisining o‘rinbosari etib tayinlangani hamda Ravshan Haydarov Toshkent shahar Favqulodda vaziyatlar boshqarmasiga boshliq bo‘lgani haqida xabar berilgandi.
Izoh (0)