Bugun,

  • USD 11095.31
  • RUB 173.84
  • EUR 10772.44

Buxoroda 8793 nafar aliment to‘lovchi qarzdorning respublika hududidan chetga chiqishi vaqtincha cheklandi. Bu haqda “Daryo”ga viloyat hokimi axborot xizmati rahbari Olim Jo‘rayev ma’lum qildi.

Ta’kidlanishicha, viloyatda aliment undiruvi bilan bog‘liq holatlar juda ko‘p. 19371 ta ijro hujjatidan 4191 tasining ijrosi yakunlangan. 3716 ta ish bo‘yicha qarzdor doimiy ish o‘riniga ega bo‘lganligi uchun undiruv ularning ish haqiga qaratilgan. 4381 nafar qarzdor va ularning yaqin qarindoshlari tomonidan aliment pullari ixtiyoriy to‘lanayotgan bo‘lsa, 5680 nafar qarzdordan davlat ijrochilarining aralashuvi bilan undirilmoqda.

Bugungi kunda 514 nafar qarzdordan ularning nochorligi, doimiy yashash joyiga ega emasligi, ayrimlarining qidiruvda bo‘lgani, aliment pullarini to‘lashdan qasddan bo‘yin tovlab kelayotgani va boshqa sabablarga ko‘ra, aliment undirilmagan. Prezidentning 2020-yil 24-noyabrdagi “Sud hujjatlari va boshqa organlar hujjatlarini ijro etish tizimini yanada takomillashtirish chora-tadbirlari to‘g‘risida”gi farmoniga muvofiq, ona va bola huquqlarini himoya qilish borasidagi ishlarni yanada adolatli tarzda qat’iy tashkil etishni yo‘lga qo‘ydik. Viloyatda majburiy ijro harakatlari davomida alimentdan qarzi bo‘lgan va uzrsiz sabablarga ko‘ra to‘lamasdan kelgan 8793 nafar aliment to‘lovchi qarzdorlarning respublika hududidan chetga chiqishi vaqtincha cheklandi.

Alijon Qilichev, Majburiy ijro byurosi Buxoro viloyati boshqarmasi boshlig‘i

Bildirilishicha, hududiy bo‘limlar ijro ish yurituvida mavjud bo‘lgan 636 ta ijro hujjati bo‘yicha ham oylik undiruvlar ta’minlanmagan. Ikki oydan ortiq aliment to‘lashdan bo‘yin tovlagan 375 nafar qarzdorga nisbatan esa Ma’muriy javobgarlik to‘g‘risidagi kodeksga ko‘ra huquqbuzarligi uchun Ma’muriy sudlarga yuborilgan. Shundan 275 ta qarzdorga nisbatan ma’muriy qamoq jazosi tayinlangan.

Izoh
Asosiy yangiliklar
Dunyo
Rossiyada urushga borishdan bosh tortgan mahbuslarga qo‘shimcha jazo muddati bilan tahdid qilinmoqda — OAV
Salomatlik
Buyrakda toshlar, gipertoniya: rivojlanishiga birgina tuz sabab boʻladigan 4 ta xavfli kasallik
Mahalliy
Prezident Toshkent energetika tizimi bo‘yicha qo‘shimcha topshiriqlar berdi