Pop yo‘nalishida ijod qilishi bilan yaxshi tanish bo‘lgan amerikalik xonanda Ariana Grande 20-marta Ginnesning rekordlari kitobiga kiritildi. Bu haqda “Korrespondent.net” xabar beradi.
Ma’lum qilinishicha, 27 yashar xonanda afsonaviy musiqachilar The Beatles, Merayya Keri va Rianna qatoridan o‘rin olgan. Mazkur muvaffaqiyatga erishishiga yangi taqdim qilgan Positions albomi sababchi bo‘lgan. Albomdan o‘rin olgan shu nomli qo‘shiq Billboard Hot 100 chartida yetakchilik qilgan.
Umumiy hisobda, Grande tomonidan kuylangan beshta qo‘shiq turli yillarda Billboard Hot 100’da birinchi bo‘lgani unga Ginnesning 20-rekordini olib kelgan. Ular orasidan Thank u, Next, 7 Ring, Stuck with u va Rain on me o‘rin olgan.
Izoh (0)