O‘zbekistonliklarning 23 ming nafardan ortig‘i 2020-yilda Rossiya fuqaroligini oldi, deb xabar bermoqda Rossiya IIV matbuot xizmati. 2019-yilda bu ko‘rsatkich 19,4 ming kishini tashkil etgandi.
Qayd etilishicha, 2020-yilda jami 650 ming kishi Rossiya fuqaroligini olgan bo‘lib, o‘zbekistonliklar ularning 3,5 foizini tashkil etgan.
Rossiya fuqaroligini olganlarning aksariyati Ukraina (405,5 ming kishi), Tojikiston (63,4 ming kishi) va Qozog‘iston (43,4 ming kishi) fuqarolari bo‘lgan. O‘zbekiston aholisi Rossiya fuqaroligini olgan davlatlar top-5 taligidan o‘rin olgan.
Xabarda aytilishicha, O‘zbekistonliklar, shuningdek, rasmiylashtirilgan yashash guvohnomasining 24 mingdan ortig‘ini, vaqtinchalik yashash hujjatining 14,5 mingtasini ham qo‘lga kiritgan.
O‘tgan yilda o‘zbekistonliklarning 1 milliondan ortig‘i ishlash, 18 mingdan ortig‘i o‘qish, 5,6 ming nafari esa turizm maqsadida Rossiyaga tashrif buyurgan.
Eslatib o‘tamiz, O‘zbekistonda bir shaxs ham O‘zbekiston, ham boshqa davlat fuqaroligida yurishi mumkin emas.
Avvalroq O‘zbekistonliklar so‘nggi 5 yil ichida Qirg‘iziston fuqaroligini olgan xorijliklarning 55 foizini tashkil etgani haqida xabar berilgan edi.
Izoh (0)