The Sports Daily portal UFC promousheni tarixida eng ko‘p pul ishlab olgan yakkakurashchilar reytingini e’lon qildi.
Unga ko‘ra, shu vaqtga qadar Konor Makgregor UFC’da eng ko‘p mablag‘ to‘plagan. Irlandiyalik yakkakurashchi MMA’dagi eng nufuzli promoushenda jami 20 million 102 ming dollar daromad qilgan.
Keyingi o‘rinda yengil vazn toifasi chempioni Habib Nurmagomedov (14,77 mln dollar) bormoqda. Kuchli uchlikni salkam 9,5 mln dollar daromad bilan Alistar Overim yakunlab berdi.
Ushbu hisob-kitoblarda sportchilarning faqat kafolatlangan gonorarlari va jang natijasidan olgan bonuslari hisoblangan. Televizion huquqlar sotilishidan tushadigan ulush va boshqa shunga o‘xshash daromadlar inobatga olinmagan.
UFC’da eng ko‘p mablag‘ topgan jangchilar top-10 ligi:
- Konor Makgregor — 20 million 102 ming dollar
- Habib Nurmagomedov — 14 mln 770 ming dollar
- Alistair Overim — 9 mln 499 ming dollar
- Anderson Silva — 8 mln 732 ming dollar
- Maykl Bisping — 7 mln 135 ming dollar
- Junior dos Santos — 7 mln 110 ming dollar
- Jorj Sen-Pyer — 7 mln 037 ming dollar
- Jon Jons — 7 mln 25 ming dollar
- Donald Serrone — 6 mln 595 ming dollar
- Mark Hant — 6 mln 304 ming dollar
Izoh (0)