Futbol bo‘yicha Ispaniya chempionati 21-turi doirasida 31-yanvar, yakshanba kuni “Atletiko Madrid” jamoasi “Kadis”ni 4:2 hisobida mag‘lub etdi.
Uchrashuvda Madrid jamoasi hujumchisi Luis Suares dubl qayd etdi.
Ispaniyalik jurnalist Pedro Martinning yozishicha, 34 yoshli hujumchi bu orqali La Ligadagi gollari sonini 158 taga yetkazib oldi. Natijada Suares La Ligada XXI asrda eng ko‘p gol urgan to‘purarlar ro‘yxatida “Atletik Bilbao”ning sobiq hujumchisi Aris Adurisga yetib oldi.
La Liganing XXI asrdagi eng yaxshi to‘purarlari:
1. Lionel Messi (”Barselona”) — 453;2. Krishtianu Ronaldu (“Real Madrid” sobiq futbolchisi) — 311;3. David Villa (“Valensiya”, “Barselona” va “Atletiko”) — 184;4. Karim Benzema (“Real”) — 179;5. Aris Aduris (“Atletik”) — 158;5. Luis Suares (“Atletiko”/ “Barselona”) — 158.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)