Volkswagen Group Components kompaniyasi 2019-yildan buyon mustaqil biznes birligi hisoblanadi va konsern akkumuyator tizimiga ham javob beradi. Bundan tashqari, sho‘ba korxona batareyalarni qayta ishlashga ham mas’ul bo‘lib, bu kabi birinchi zavod yaqinda Germaniyaning Zalsgitter shahrida ochildi, deb xabar beradi Motor.
Korxona hozircha test rejimida ishlamoqda, shu sababli rejalashtirilgan ish hajmi u qadar yuqori emas. Zavod bir yilda 3600 ga yaqin batareya tizimlarini qayta ishlashi mumkin, bu 1500 tonnaga ekvivalent hisoblanadi. Tahlilchilarning hisob-kitoblariga ko‘ra, xizmatini o‘tab bo‘lgan akkumulyatorlar sonining oshishini kamida hozirgi o‘n yillik oxiriga qadar kutmaslik kerak, shu sababli Volkswagen’da boshqa jarayonlarni optimallashtirish va liniyalarni kengayirishga hali vaqt bor. Bu yerda innovatsion sikldan foydalanishi ham mumkin. U karbonat angidrid gazi tarqalish darajasini kamaytiradi va istiqbolda qayta ishlash darajasini 90 foizga oshirish imkonini beradi.
Qayta ishlanishi kerak bo‘lgan har bir batareyaning og‘irligi 400 kilogrammga yaqin. Zavod MEB (Volkswagen ID.3) va PPE (kelajakdagi Porsche Macan EV), shuningdek, gibrid platformalardagi elektromobillarning litiy-ionli bo‘lmalari bilan ishlaydi. Hozircha korxona sinov mashinalarining akkumulyatorlarini qayta ishlamoqda.
Zalsgitterda batareyalar energiya sarflanib eritilmaydi, avvaliga ular to‘liq quvvatsizlantirladi va qismlarga ajratiladi. Alohida elementlar granulalarga maydalanib, quritiladi. Shu orqali yana foydalanish mumkin bo‘lgan alyuminiy, mis va plastik olinadi. Aynan ushbu jarayon litiy, nikel, marganets, kobalt va grafit bo‘lgan qimmatli “qora kukunni” beradi. Ularni ajratib olish va qayta ishlashda gidrometallurgiya usulidan foydalaniladi, xususan, maxsus suvli eritmalar qo‘l keladi. Olingan xomashyodan yana ishlab chiqarishda foydalaniladi. Dastlabki hisob-kitoblarga ko‘ra, qayta ishlangan katodlarga ega 62 kilovatt-soatli har bir batareya havoga chiqadigan karbonat angidrid gazini 1,3 tonnaga kamaytirish imkonini beradi.
Bularning barchasi iqlim neytralligiga o‘tishning uzoq muddatli strategiyasi hisoblanadi.
Mavzuga doir: Volkswagen Nokia kompaniyasi taqdiridan qochmoqchi
Izoh (0)